ရန်ကုန်တိုင်း ပန်ပဲတန်းမြို့နယ် အနော်ရထာလမ်းနှင့် ၃၂ လမ်းဒေါင့်ရှိ Knowledge Bank Library & Learning Center ၌ ကျင်းပသွားရန် စီစဉ်ထားခြင်း ဖြစ်သည်။
“စာရေးဆရာဆိုတော့ စာဖတ်တဲ့အကြောင်းက ကျနော်တို့ ပြောဖို့လိုတဲ့အထဲက အဓိက အကြောင်းတခုပေါ့။ အထူးသဖြင့် လူငယ်တွေ ဘဝတိုးတက်ဖို့၊ အောင်မြင်ဖို့အတွက် အထောက်အကူပြုဖို့ စာကို ဘယ်လို၊ ဘယ်ပုံ ဖတ်သင့်တယ်ဆိုတဲ့ ရည်ရွယ်ချက်ပေါ့ဗျာ” ဟု စာရေးဆရာ ဖေမြင့်က မဇ္ဈိမကို ပြောသည်။
ဦးဖေမြင့်သည် လူငယ်များအား ဘဝအတွက် အရှုံးမပေးစေရန် စိတ်ဓာတ်ရေးရာ လှုံ့ဆော်သည့် စာအုပ်များ၊ မူရင်းဝတ္ထုတိုများ၊ ဘာသာပြန်ဝတ္ထုတိုများ၊ အတ္ထုပ္ပတ္တိများဖြင့် နာမည်ကျော်လာခဲ့ပြီး ယနေ့အထိ အုပ်ရေပေါင်း ၄၀ ထုတ်ဝေခဲ့ပြီး ဖြစ်သည်။
သူ၏ ကျော်ကြားခဲ့သော စာအုပ်များမှာ ဆေးရုံ၊ အချစ်ဦး၊ လူနာဆောင် အမှတ်ခြောက်၊ ကျွန်းနှင့် အခြား ဝတ္ထုတိုများ၊ အောင်မြင်မှု ချမ်းသာသုခနှင့် ဓနဥစ္စာ၊ စိန်မြေဧကများစွာ၊ မဟာကရုဏာများ၊ ဘာကြောင့် အခုထိ မချမ်းသာသေးတာလဲနှင့် ဘေဘီလုံမှ အချမ်းသာဆုံး ပုဂ္ဂိုလ်များ စသည့် စာအုပ်များသည် လူကြိုက်များလှသည်။
“လူသုံးပစ္စည်း ရောင်းသူများနှင့် အခြားဝတ္ထုတိုများ” စာအုပ်ဖြင့် ၁၉၉၅ ခုနှစ်တွင် အမျိုးသားစာပေ (ဝတ္ထုတို ပေါင်းချုပ်) ဆုကို ရရှိခဲ့သည်။
ဆရာဖေမြင့်သည် ၁၉၄၇ ခုနှစ် ၂၂ နှစ်အရွယ် ဆေးကျောင်းသားဘဝမှစ၍ စာရေးသားခဲ့ပြီး သူ၏ စာအုပ်များကို ယနေ့အထိ လူငယ်များက ကြိုက်နှစ်သက်သဖြင့် လက်စွဲအဖြစ် အသုံးပြုလျက်ရှိသည်။
“မဖြစ်နိုင်ဘူးဆိုတာ သေချာပြီလားဆိုတဲ့ စာအုပ်ကို အကြိုက်ဆုံးပါပဲ။ အဓိကအားဖြင့် လမ်းပျောက်နေတဲ့ လူငယ်တွေအတွက်၊ စိတ်ဓာတ်ကျပြီး ဘာဆက်လုပ်ရမှန်း မသိတဲ့ လူငယ်တွေအတွက် စိတ်ဓာတ် မြှင့်တင်ပေးတဲ့ အရေးအသားတွေက ကျမကိုယ်တိုင် လမ်းပျောက်တဲ့အခါမှာလည်း အားဆေးတခွက် ဖြစ်စေပါတယ်”ဟု သူ၏ စာဖတ် ပရိသတ်တဦးက မဇ္ဈိမကို ပြောသည်။
ဆရာဖေမြင့်၏ စာအုပ်များမှာ ထိရောက်သည့် အတွေးအခေါ်များ ပေးနိုင်သဖြင့် လူငယ်များ၏ ရည်ရွယ်ချက်၊ ရည်မှန်းချက်များအတွက် အသုံးတည့်ကြောင်း အခြား စာဖတ်ပရိသတ်တဦးကလည်း ပြောသည်။
“ဥပမာ ‘တချောင်းထဲစိတ်’ ဆိုတဲ့ စာအုပ်ကို ဖတ်တုန်းကဆိုရင် အလုပ်လုပ်တာပဲဖြစ်ဖြစ်၊ အကြောင်းကိစ္စ တခုခုမှာပဲဖြစ်ဖြစ် စိတ်ကို တဖြောင့်တည်း ထားရမယ်ဆိုတာကို နားလည်လာတယ်။ အဲဒါက ကျနော့်ဘဝအတွက် အလေ့အကျင့်ကောင်း တခုပဲ” ဟု သူက မဇ္ဈိမကို ပြောသည်။
အသက် ၆၀ ကျော်ပြီဖြစ်သည့် စာရေးဆရာ ဖေမြင့်ကို အဖ ဦးအောင်ငြိမ်း၊ အမိ ဒေါ်ခင်သိန်းတို့မှ ရခိုင်ပြည်နယ်၊ သံတွဲမြို့တွင် မွေးဖွားသည်။ သံတွဲမြို့ အစိုးရ အထက်တန်းကျောင်း အမှတ် (၁) မှ တက္ကသိုလ်ဝင်တန်း အောင်မြင်သည်။ ၁၉၇၅ ခုနှစ်တွင် ဆေးတက္ကသိုလ် (၁) ရန်ကုန်မှ အမ်ဘီဘီအက်စ်ဘွဲ့ ရရှိခဲ့သည်။
၁၉၇၇-ခုနှစ်မှ ၁၉၈၇-ခုနှစ်အတွင်း အထွေထွေကု ဆရာဝန်အဖြစ် ဆောင်ရွက်ခဲ့သည်။ ၁၉၈၈ ခုနှစ်အထိ ပြင်ပ အထွေထွေ ရောဂါကု ဆရာဝန်အဖြစ် ဆောင်ရွက်ခဲ့ပြီး၊ ၎င်းနောက်တွင် စာပေလုပ်ငန်း တခုတည်းကိုသာ စူးစိုက်လုပ်ကိုင်ခဲ့သည်။
"စာပေဂျာနယ်" ကို စတင်စီစဉ်သူတဦး ဖြစ်ကာ ဂျာနယ် အမှတ် - ၁၂ အထိ အယ်ဒီတာအဖြစ် ဆောင်ရွက်ခဲ့သည်။ ၁၉၈၉ ခုနှစ် ဇန်နဝါရီလမှ ၁၉၉၁ ခုနှစ် နှစ်ကုန်ပိုင်းအထိ "သင့်ဘဝမဂ္ဂဇင်း" အယ်ဒီတာအဖြစ် တာဝန်ယူခဲ့သည်။ "ဒီလှိုင်းမဂ္ဂဇင်း" ၏ အယ်ဒီတာချုပ်အဖြစ်လည်း ဆောင်ရွက်ခဲ့သည်။
ကျော်ခ | သောကြာနေ့၊ ဇန်နဝါရီလ ၂၉ ရက် ၂၀၁၀ ခုနှစ်
No comments:
Post a Comment